LPG Gas Subsidy Check : ભારતમાં રસોઈ ગેસના ભાવ વધતા જતા સામાન્ય જનતા માટે ખર્ચનો બોજ વધી રહ્યો છે. આવા સમયમાં સરકારની પ્રધાનમંત્રી ઉજ્જવલા યોજના (PMUY) હેઠળ મોટી રાહતની ખબર આવી છે. 2025-26 માટે ₹300 પ્રતિ 14.2 કિલો LPG સિલિન્ડર પર સબસિડીની જોગવાઈ કરવામાં આવી છે, જે ગરીબ અને મધ્યમ વર્ગના કુટુંબો માટે વિશેષ રાહત છે. આ સબસિડી વર્ષમાં મહત્તમ 9 રિફિલ પર લાગુ થશે, અને તેનો ખર્ચ ₹12,000 કરોડના આસપાસ છે. આ યોજના હેઠળ હાલમાં 10.33 કરોડથી વધુ કનેક્શન આપવામાં આવ્યા છે, જેમાંથી મોટા ભાગના ગ્રામીણ અને વંચિત વિસ્તારોમાં છે.
LPG ગેસ સબસિડી ચેક એટલે શું અને કેમ કરવી જરૂરી છે?
LPG ગેસ સબસિડી ચેક એ માત્ર ટેક્નિકલ પ્રક્રિયા નથી. એ તમને ખાતરી આપે છે કે તમને મળવાનું છે તે તમને સાચે મળી રહ્યું છે કે નહીં. ઘણી વખત લોકોએ સિલિન્ડર તો લઈ લેવું, પણ સબસિડી આવી કે નહીં એ જોવાનું ભૂલી જાય છે. પછી મનમાં એક ફરિયાદ ઊભી થાય છે કે “મને તો ક્યારેય સબસિડી જ નથી મળતી.”
હકીકતમાં ઘણીવાર સબસિડી અટકવાની પાછળ કારણ નાનું હોય છે, જેમ કે આધાર અને બેંક ખાતું લિંક ન હોવું, DBT બંધ હોવું કે મોબાઈલ નંબર અપડેટ ન હોવો. અને આ બધી બાબતો એકવાર ચેક ન કરો તો અજાણ્યામાં તમે તમારા હકના પૈસાથી દૂર રહી જાઓ છો.
ઉજ્જવલા યોજના અને ₹300 સબસિડીનો સાચો અર્થ
ઉજ્જવલા યોજના માત્ર ગેસ આપવાનું વચન નથી. એ હજારો મહિલાઓ માટે એક નવી શરૂઆત છે. ધુમાડાવાળી ચુલા, આંખમાં પાણી અને શ્વાસની તકલીફમાંથી મુક્તિ મેળવવાનો રસ્તો છે.
આ યોજના હેઠળ ગરીબી રેખા નીચે આવતા પરિવારોને દરેક ગેસ રિફિલ પર ₹300 સુધીની સબસિડી આપવામાં આવે છે. આ રકમ સીધી લાભાર્થીના બેંક ખાતામાં જમા થાય છે. પહેલેથી સંપૂર્ણ કિંમત ચૂકવવી પડે છે, પરંતુ થોડા દિવસમાં એ મદદ પાછી મળે છે. અને એ જ માટે LPG ગેસ સબસિડી ચેક કરવી એટલી જરૂરી બની જાય છે.
eKYC કેવી રીતે કરવી?
2025માં LPG સબસિડી મેળવવા માટે eKYC જરૂરી છે. આ ઓનલાઇન અથવા ઓફલાઇન કરી શકાય:
ઓનલાઇન: MyLPG પોર્ટલ પર લોગિન કરી Aadhaar OTP વેરિફાઇ કરો.
ઓફલાઇન: નજીકના ગેસ એજન્ટ પાસે જઈ આધાર કાર્ડ બતાવો. આથી સબસિડીમાં વિલંબ ન થાય
PMUY 2025-26ના નવા અપડેટ્સ
સબસિડી વિસ્તાર: ₹300 સુધી વધારી, 9 રિફિલ પર મર્યાદા.
નવા કનેક્શન: PMUY 2.0 હેઠળ 1 કરોડ વધુ કનેક્શનનું લક્ષ્ય.
ડિજિટલ સુવિધા: ઓનલાઇન બુકિંગ અને પેમેન્ટ સિસ્ટમ વધુ સરળ.
સબસિડી ન મળે તો શું કરવું?
જો તમને લાંબા સમયથી સબસિડી ન મળી રહી હોય, તો ગભરાવાની જરૂર નથી. તમારી બેંક અને ગેસ એજન્સી સાથે વાત કરો. આધાર લિંકિંગ, DBT સ્થિતિ અને KYC તપાસો. મોટાભાગે સમસ્યા નાની હોય છે અને સરળતાથી ઉકેલી શકાય છે.